Liwat nga nabawi sang Republicans ang US Senate kag nalab-ot ang ginakabig pinakamahapos nga handom para sa partido sa subong nga tuig nga eleksyon.
Nauyatan liwat sang GOP ang kontrol matapos nangin maathag nga napierde ang Democrats sa ila one-seat majority sa 100-member upper chamber sang kongreso.
Nakuha sang Republicans ang duha ka Senate seats matapos ginpierde sang Trump-backed businessperson nga si Bernie Moreno si three-term Democratic senator Sherrod Brown sa Ohio, kag Trump loyalist Jim Justice nga nakuha ang seat nga nauyatan sadto ni Joe Manchin sa West Virginia.
Ginpierde man sang Republican incumbents ang ila Democratic challengers sa Texas kag Florida.
Ini nga result nagabutang sa Republican party sa pole position sa confirmation process para sa senior officials nga gin- appoint sang bag-o nga incoming administration, kag para sa potential new justices sa US supreme court kun may bakante nga magabukas.
Indi magnubo sa duha ka veteran conservative justices nga sanday Clarence Thomas kag Samuel Alito ang ginalauman nga magretiro sa masunod nga pila ka tuig.
Ang transfer sang Senate control pabalik sa Republicans ang magapa-excite pa sa race agud mag- succeed kay Mitch McConnell, ang GOP leader sa chamber nga una na nag-anunsyo nga magaretiro ini matapos ang eleksyon.
Ang mga leading contenders nga magabulos sa iya amo sanday John Thune sang South Dakota, Texas senator John Cornyn kag Rick Scott sang Florida, sa diin ang magadaug ang maga- assume sang gamhanan nga posisyon sang Senate majority leader.
