Masobra 20 ka mga domestic flights ang ginkansela sa nagkalain-lain nga paluparan sa pungsod bangud sa Bagyo Marce subong nga Huwebes.
Suno sa Civil Aviation Authority of the Philippines (CAAP), anom ka domestic flights padulong kag pabalik sa Tuguegarao Airport ang ginkansela.
Sa Laoag International Airport naman, may 4 ka domestic flights ang ginkansela.
Samtang sa Basco Airport, ginkansela ang duha ka domestic flights.
May kinansela man nga flights sa Cauayan Airport kag Palanan Airport.
