Tatlo na subong ka mga bagyo ang ginabantayan sa sulod kag sa gwa sang Philippine Area of Responsibility.
Una ang Tropical Storm Man-Yi nga yara sa gwa sang Philippine Area of Responsibility.
Ang sentro sang Tropical Storm Man-Yi ang ginabanta yara sa 2,930 km East sang Southern Luzon.
Dala sini ang kabaskugon sang hangin nga nagadangat sa 85 km/h malapit sa sentro kag pagmadlos nga tubtob sa 105 km/h.
Nagahulag ini pa West Northwestward sa kadasigon nga 10 km/h.
Samtang, nagsulod naman sa Philippine Area of Responsibility ang Tropical Storm nga yara sa nasidlangan sang Eastern Visayas.
Ginatawag ini nga Bagyo Ofel.
Ang sentro sang Tropical Storm Ofel ang ginabanta yara sa 1,150 km East sang Eastern Visayas.
Dala sini ang kabaskugon sang hangin nga nagadangat sa 75 km/h malapit sa sentro kag pagmadlos nga tubtob sa 90 km/h.
Nagahulag ini pa West Northwestward sa kadasigon nga 25 km/h.
Update naman kita sa Bagyo nga si Nika nga yara man sa gihapon sa sulod sang Philippine Area of Responsibility.
Naghina na si Bagyo Nika nga isa na lang ka Severe Tropical Storm samtang nagahulag pa Northwestward sang West Philippine Sea.
Magwa naman ini sa Philippine Area of Responsibility sa masunod nga 12 ka oras.
Ang sentro sang Severe Tropical Storm Nika ang ginabanta yara sa 185 km West sang Laoag City, Ilocos Norte.
Dala sini ang kabaskugon sang hangin nga nagadangat sa 95 km/h malapit sa sentro kag pagmadlos nga tubtob sa 115 km/h.
Nagahulag ini pa West Northwestward sa kadasigon nga 30 km/h.
Sa subong, nabatak sa gihapon ang Tropical Cyclone Wind Signal No. 1 sa pila ka mga lugar sa Luzon, sa diin may yara sang minimal to minor nga pamahog sa kabuhi kag propedad.
LUZON
Ilocos Norte, northern portion sang Ilocos Sur, northern portion sang Apayao, northern kag western portions sang Abra, western portion sang Babuyan Islands, kag northwestern portion sang mainland Cagayan
