Ginklaro sang kampo ni Kingdom of Jesus Christ (KOJC) leader Apollo Quiboloy nga indi malala ang kondisyon sang pastor.
Ini matapos nagguwa ang mga espekulasyon kasunod sang pagpasugot sang korte nga dal-on sa ospital ang pastor bangud sa iya nga irregular heartbeat.
Suno kay Attorney Israelito Torreon, masobra na sa 70-anyos ang edad ni Quiboloy kag ang indi regular nga pitik sang korason ang tuga lamang sang aktibo sini nga lifestyle nga gulpyada nauntat sang gin-detain ini sang pulis.
“He used to play basketball a lot, he has an athlete’s heart. And at times when he becomes sedentary all of a sudden, then it has an effect on his physical constitution,” suno kay Torreon
Ini man ang rason suno sa iya nga naga-request sila sang medical furlough para ma-check sang medical authorities ang ikaayong lawas sang religious leader.
Una na nga gin-athag ni PNP spokesperson BGen. Jean Fajardo nga nagreklamo sang chest discomfort si Quiboloy sang Nob. 7 rason nga gin-examine sa PNP General Hospital.
Didto nag-file sang “very urgent petition for medical furlough” ang kampo sang pastor kag matapos nabaton ang order sang Pasig Court, gindala si Quiboloy sa Philippine Heart Center sang Nobyembre 8 sang udto.
Epektibo ang medical furlough tubtub sa Nobyembre 16, alas singko sang hapon, agud nga makumpleto ang recommended medical examinations.
Ginpahayag man ni Torreon nga bangud sa edad ni Quiboloy, indi na gani ini makasarang sa paglimpyo sa iya toilet.
“We would like to clarify that while it may be true that he has an irregular heartbeat, it is not life threatening,” suno kayTorreon.
“And he also developed cough, inuubo siya and this is probably because of the poor ventilation in his detention cell. And ‘yung CR niya, de-buhos pa e,” dugang sini.
Nag-request man sila sa PNP nga maghatag sang permiso sa gadgets nga ibutang sa sulod sang detention cell para mas mapaayo ang ventilation.
Nahibaluan nga na-detain si Quiboloy bangud sa qualified human trafficking kag sexual abuse charges.#
