Duha na subong ka mga bagyo ang ginabantayan sa sulod sang Philippine Area of Responsibility.
Una kita diri sa Typhoon Ofel nga padayon nga nagahina samtang padulong sa Luzon Strait.
Mahimo ini nga magwa sa northwestern boundary sang Philippine Area of Responsibility karon sa hapon.
Possible naman nga magsulod pa gid ini liwat sa Philippine Area of Responsibility sa tion nga magliko sa northeastward sang southern Taiwan kag magapabilin sa pungsod tubtob sa forecast period.
Samtang, nagsulod naman kagabi sa Philippine Area of Responsibility ang Severe Tropical Storm Pepito.
Nagabaskog naman ini kag dako ang posibilidad nga mangin Typhoon.
Mahimo ini nga mag-landfall sa eastern coast sang Central ukon Southern Luzon sa weekend.
Magwa naman ini sa Philippine Area of Responsibility sa Lunes sang hapon ukon gab-i.
Ang sentro sang Typhoon Ofel ang ginabanta yara sa kalayuon nga 100 km Northwest sang Calayan, Cagayan.
Dala sini ang kabaskugon sang hangin nga nagadangat sa 120 km/h malapit sa sentro kag pagmadlos nga tubtob sa 150 km/h.
Nagahulag ini pa West northwestward sa kadasigon nga 20 km/h.
Sa subong, nabatak ang Tropical Cyclone Wind Signal No. 3 sa pila ka lugar sa Luzon, sa diin may yara sang moderate to significant nga pamahog sa kabuhi kag propedad.
LUZON
Western portion sang Babuyan Islands kag northernmost portion sang Ilocos Norte.
Sa subong, nabatak ang Tropical Cyclone Wind Signal No. 2 sa pila ka lugar sa Luzon, sa diin may yara sang minor to moderate nga pamahog sa kabuhi kag propedad.
LUZON
Nabilin nga bahin sang Babuyan Island, northwestern portion sang mainland Cagayan, northern portion sang Apayao, kag northern portion sang Ilocos Norte.
Sa subong, nabatak ang Tropical Cyclone Wind Signal No. 1 sa pila ka mga lugar sa Luzon, sa diin may yara sang minimal to minor nga pamahog sa kabuhi kag propedad.
LUZON
Batanes, nabilin nga bahin sang Cagayan, northern portion sang Isabela, nabilin nga bahin sang Apayao, Kalinga, northern kag central portions sang Abra, nabilin nga bahin sang Ilocos Norte, northern portion sang Ilocos Sur.
Ang sentro naman sang Severe Tropical Storm Pepito ang ginabanta yara sa kalayuon nga 795 km East sang Guiuan, Eastern Samar.
Dala sini ang kabaskugon sang hangin nga nagadangat sa 110 km/h malapit sa sentro kag pagmadlos nga tubtob sa 135 km/h.
Nagahulag ini pa Westward sa kadasigon nga 25 km/h.
Sa subong, nabatak ang Tropical Cyclone Wind Signal No. 1 sa pila ka mga lugar sa Luzon kag Visayas, sa diin may yara sang minimal to minor nga pamahog sa kabuhi kag propedad.
LUZON
Catanduanes, eastern portion sang Camarines Norte, eastern portion sang Camarines Sur, eastern portion sang Albay, eastern kag southern portions sang Sorsogon.
VISAYAS
Northern Samar, northern portion sang Eastern Samar, kag northeastern portion sang Samar.
