Balantayan na 9:00 subong nga aga oras sa Pilipinas ang finals sang Miss Universe 2024.
Pambato sang Pilipinas si Chelsea Manalo nga isa man sa ginalantaw sang global pageant observers nga may tyansa nga madala-pauli ang korona nga kun matabo amo na ang pang-lima nga Miss Universe crown sang pungsod.
Antes ang koronasyon, 125 ka mga kandidata ang nagpasakop sa preliminary competition lakip na sa national costume, swimsuit, kag evening gown categories.
Sa labing-una nga tion, parte ang national costume sa scoring nga magatumod kun sin-o ang makasulod sa first cut nga amo ang Top 30.
Masobra tatlo ka oras ang preliminaries kag nakuha ni Chelsea ang pagpabor sang publiko sa iya “Hiraya” costume nga nagapakita sang history sang Christianization kag Islam sa Pilipinas.
May mga namag-o naman sa ocean blue gown ni Chelsea nga himo sang designer ni Manny Halasan. Isa ini ka large flowing blue dress nga naghatag sa beauty queen sang “Cinderella” look ilabi na sang naglibot-libot ini sa stage samtang manugguwa na ang mga kandidata.
Pang-siyam si Chelsea sa final hot picks sang Missosology kun sa diin ginkilala ini nga mangin dark horse sa kumpetisyon.
Ginkilala naman sang pageant observer nga frontrunners sanday Suchata Chuangsri sang Thailand kag Victoria Kjær Theilvig sang Denmark.
Yari ang full list sang ila final picks:
Thailand – Suchata Chuangsri
Denmark – Victoria Kjær Theilvig
Peru – Tatiana Calmell
Venezuela – Ileana Márquez
Chile – Emilia Dides
Mexico – María Fernanda Beltrán
Dominican Republic – Celinee Santos
Puerto Rico – Jennifer Colón
Philippines – Chelsea Manalo
Zimbabwe – Sakhile Dube
Paraguay – Naomi Méndez
Finland – Matilda Wirtavuori
Malaysia – Sandra Lim
Russia – Valentina Alekseeva
Honduras – Stephanie Cam
Nigeria – Chidimma Adetshina
Brazil – Luana Cavalcante
Ecuador – Mara Topíc
India – Rhea Singha
Myanmar – Thet San Andersen
Colombia- Daniela Toloza
Egypt – Logina Salah
Canada – Ashley Callingbull
Japan – Kaya Chakrabortty
Cuba – Marianela Ancheta
Slovakia – Petra Sivakova
Cambodia – Davin Prasath
Botswana – Thanolo Keutlwile
Portugal – Andreia Correia
United Arab Emirates – Emila Dobreva
Patigayunon ini nga finals sang 73rd Miss Universe sa Mexico kun sa diin koronahan ni reigning queen Sheynnis Palacios ang iya successor.
Isa naman si Miss Universe 2018 Catriona Gray sang Pilipinas sa magaserbe nga backstage hosts.
