𝗠𝗘𝗫𝗜𝗖𝗢 – Ginkoronahan bilang Miss Universe 2024 si Victoria Kjær Theilvig sang Denmark.
Nagpangibabaw ang katahom sang 21 anyos nga si Victoria sa 125 ka mga delegates sa coronation night nga ginpatigayon sa Arena CDMX sa Mexico City.
Ginpasuksok naman kay Victoria ang first-ever Filipino-made crown nga himo sang international jewelry brand nga Jewelmer sa diin makita ang South Sea Pearls sang Pilipinas.
Ginpasa naman ni Sheynnis Palacios sang Nicaragua ang korona.
Nalakip naman sa Top 5 amo ang mga masunod:
1st runner-up: Nigeria – Chidimma Adetshina
2nd runner-up: Mexico – Maria Fernanda Beltran
3rd runner-up: Thailand – Opal Suchata Chuangsri
4th runner-up: Venezuela – Ileana Marquez
Samtang, tubtob lang sa Top 30 ang pambato sang Pilipinas nga si Chelsea Manalo.
Apang, napilian naman si Chelsea bilang Miss Universe Asia, isa sa mga Four Continental Queens sang Miss Universe.
