Ginpasakaan sang kaso si AAMBIS-OWA Party-list Representative Atty. Lex Colada kaangot sa kamatayon ni Kagawad Jobanie Triste sang San Rafael, Tigbauan, Iloilo.
Sa interview sang Bombo Radyo kay Police Captain Alfred Mansoy, hepe sang Tigbauan Municipal Police Station, iya ginpahayag nga mga kaso nga accessory to the crime of murder kag paglapas sa Section 40 sang Republic Act No. 10591 ukon Comprehensive Firearms and Ammunition Regulation Act ang ginpasaka kay Representative Colada.
Ini ang ginpasaka sang Nobyembre 14.
Suno kay Mansoy, ang kaso ang kasunod man sang pagkumpirma nga pusil ni Representative Colada ang gingamit ni JR Castro sa pagpatay kay Triste.
Sa subong, yara na sa Iloilo Prosecutor’s Office ang kaso, apang yara pa sa Case Build-up bangud may mga kinahanglanon pa nga mga ebidensya.
Nahibaluan nga si Representative Colada ang mister ni Guimbal Iloilo Mayor Jennifer Garin Colada.
