Nagpalupad ang Russia sang intercontinental ballistic missile halin sa southern Astrakhan region pakadto sa Ukraine.
Santo ini sa kumpirmasyon sang Ukrainian air force. Ini man ang una nga tion nga naggamit ang Russia sang amo sini kagamhanan nga long-range missile sa tion sang giyera.
Ini nga strike sang Moscow ang kasunod man sang paggamit na sang Ukraine sang US kag British missiles agud iguon ang ila mga target sa teritoryo sang Russia subong nga semana.
Una na nga nagpaandam ang Russian officials nga kun maggamit ang Kyiv sang amo sini nga missiles, magalala ang ila away nga subong nagalawig na sang 33 ka bulan.
Sa latest attack sang Russians, gin-target nila ang mga enterprise kag critical infrastructure sa central-eastern city sang Dnipro.
Indi pa klaro sa statement sang Kyiv kun ano gid ang gin-igu sang intercontinental ballistic missile kag kun may ginbilin ini nga damage.
“In particular, an intercontinental ballistic missile was launched from the Astrakhan region of the Russian Federation,” kabahin sang statement sang Kyiv Air Force.
Ini nga missiles ang mahimo makalupad sang linibo ka kilometros.#
