Magapadala ang Canada sang ila “largest trade delegation” sa Pilipinas sa Disyembre agud nga malantaw ang posible nga investment opportunities kag partnerships sa sektor sang depensa, agrikultura, pag-mina, enerhiya, kag imprastraktura.
Si Mary Ng nga minister sang Export Promotion, International Trade and Economic Development amo ang magapanguna sa “powerhouse” nga Team Canada Trade Mission sa Manila sa December 4 to 6 santo sa gin-anunsyo sang Canadian officials.
“One of the objectives of the team is to provide a platform to expand and diversify our international business portfolios and reach into growing markets,” suno kay Guy Boileau, Senior Trade Commissioner sa Canadian Embassy.
Ginapahayag nga 300 business leaders halin sa masobra 180 organizations sa 17 ka nagkalain-lain nga sektor ang maga-upod sa mission.
Suporta ini sa Indo-Pacific Strategy sang Canada nga may tuyo nga pabakuron pa ang relasyon sini sa Indo Pacific region lakip na sa Pilipinas sa trade, security, kag people-to-people ties.
“At the end of the day, we are looking for a stable and predictable business environment. And what we have seen over the past few years is that the Philippines is indeed going in that direction, so that’s quite interesting and promising for partnerships in collaboration,” dugang ni Boilaeu.
Ginpadayaw man sang Team Canada nga napamatud-an na nila nga epektibo nga paagi ang trade missions para sa ekonomiya bangud sa kaangay man nga misyon nga ila gihimo sa Japan kun sa diin may resulta nga 70 new contracts.
Matandaan nga sang Enero, may yara man sang US Presidential Trade and Investment Mission sa Pilipinas nga ginpangunahan sang US Secretary of Commerce kag gin-updan sang high-level executives, mga kumpaniya, kag business organizations.#
