Makabaton sa pinakauna nga tion sang P30,000 nga Collective Negotiation Agreement (CNA) Incentive ang mga regular nga empleyado sang Iloilo City Hall.
Gin-anunsyo ini ni Iloilo City Mayor Jerry Treñas kadungan sang ginpatigayon nga virtual press conference.
Suno kay Treñas, bangud sa savings sang syudad subong nga tuig kun ngaa natigayon ang paghatag sang maximum incentive nga P30,000.
Ginpahayag sang alkalde nga mabaton ini sa tunga-tunga sang Disyembre 15 kag 31.
Dugang sang opisyal, preparado man ang syudad sa paghatag sang gratuity pay kag Service Recognition Incentive (SRI) sa mga casual employee kag jobhire apang ginahulat pa ang direktiba halin sa presidente.
