Ginkumpirma sang World Boxing Council (WBC) nga nagtaliwan na ang three-time super-bantamweight world champion sang Mexico nga si Israel Vasquez.
Ginbawian siya sang kabuhi sa edad nga 46-anyos bangud sa ginsuprer nga cancer.
1995 ang professional boxing debut ni Vazquez nga amo ang nagpabantog sa iya kumbinasyon sang kadasig sang kamot kag punching power.
Didto nagsugod ang iya karera kun sa diin nalakip ang four-fight rivalry batok kay Rafael Marquez kun sa diin duha ka beses siya nga nagdaog kag duha ka beses man nga nalutos.
Ang ila hampang sang 2007 kag 2008 amo ang ginkilala nga fights of the year. Ang knockout victory naman ni Marquez sang 2010 amo naman ang katapusan nga sambuwa ni Vasquez.
Sang nagligad lang nga bulan sang ginkumpirma ni Vasquez nga may ginasuprer siya nga sarcoma.
Natapos ang iya karera sa boksing nga may 44-5 record kun sa diin may 32 knockouts.
Mangin ang long-time trainer ni Manny Pacquiao nga si Freddie Roach ang nagtawag kay Vasquez nga “forever a world champion” kag “legend in boxing” kasunod sang iya kamatayon.
“Forever a world champion and legend in boxing,” pahayag ni Roach. “One of the best boxers I ever had the privilege of working with.”#
