Ginpangunahan ni President Ferdinand Marcos, Jr. ang oath-taking sang 36 ka newly-promoted generals kag flag officers sang Armed Forces of the Philippines (AFP) sa Ceremonial Hall sa Malacañang.
Sa iya nga speech, nagpanawagan si Marcos sa militar nga magtindog kag magdampig sa Konstitusyon kag para sa mga Pilipino.
Ginplastar man sang presidente ang responsibilidad kag ang importante nga papel sang militar sa pagtib-ong sang integridad sang nasyon kag sa pagpasiguro sang safety kag seguridad sang mga Pilipino.
Ginpahangop man sini sa iya speech nga dapat magtindog ang uniformed personnel para sa kamatuoran.
“We continue to face complex and dynamic challenges—threats to our sovereignty, lawless elements that undermine peace, and the increasing frequency of natural disasters. These require us to remain steadfast, resourceful, unyielding in our resolve,” kabahin sang iya nga speech.
“As stewards of our national defense, you bear the solemn responsibility of ensuring the security of our land, of our seas, of our skies, our cyberspace,” dugang sini.
“By fostering coordination amongst nations, we can safeguard stability while advancing our collective interests,” suno pa sa chief executive.
Ginpahayag man sini nga indi magpalingkang ang iya administrasyon kag magapadayon sa pagpabaskog sang institusyon kag sa rule of law sang pungsod.
Ini nga speech ni Marcos ang natabo matapos ginbungguan na naman sang China Coast Guard (CCG) kag gingamitan sang water cannon ang barko sang Bureau of Fisheries and Aquatic Resources (BFAR) sa Bajo de Masinloc sa West Philippine Sea.
May mga nagaangot man sa sini nga speech sa panawagan ni anay President Rodrigo Duterte sa military sang nagligad nga semana nga proteksyunana ng Constitution sang Pilipinas — bagay nga ginakabig na sang iban nga government officials nga katumbas sang panawagan sa kudeta.#
