Ginpasalig ni President Ferdinand “Bongbong” Marcos Jr. nga nakahanda ang gobyerno nga magbulig sa mga residente nga apektado sang paglupok sang Bulkan Kanlaon.
Suno kay Marcos, ginpasigurado sang Department of Budget and Management (DBM) nga ihatag ang tanan nga resources.
“So yes, we are ready to support the families, who have been evacuated outside the 6-km danger zone,” pahayag ni Marcos.
Nag-umpisa naman suno sa presidente ang pagpanagtag sang food packs sa mga apektado nga pamilya.
Ginabanta 87,000 ka mga residente sa palibot sang Bulkan Kanlaon ang ginpang-evacuate suno sa Office of Civil Defense (OCD).
Sa bulletin sang Philippine Institute of Volcanology and Seismology (PHIVOLCS), naglawig sang 3 minutes kag 55 seconds ang paglupok sang bulkan.
Nagdangat naman sa 2 tubtob 3.4 kilometers ang pyroclastic density halin sa crater.
