Ginpangunahan ni Department of Education Secretary Sonny Angara ang simultaneous groundbreaking ceremony sang school building projects sa walo ka mga eskwelahan sa syudad kag probinsya sang Iloilo.
Ini ang nagabalor sang P227 million.
Kalakip sa mga recepients amo ang Hibao-an (Integrated) Elementary School, Arevalo Elementary School, Iloilo Central School, Uswag San Isidro Elementary School, Mandurriao Elementary School,Fort San Pedro National High School, Iloilo City National High School nga pareho nga sakop sang Schools Division of Iloilo City; kag Iloilo National High School nga sakop sang Iloilo Province.
Sa interview sang Bombo Radyo kay Angara, iya ginpahayag nga amat-amat na nga masolusyunan sang nasambit nga mga proyekto ang problema sa classroom shortage sa pungsod.
Target sang DEPED nga magtukod sang 165,000 classrooms sa public schools nationwide kag nagapangita pa ang ahensya sang potential sources sang pondo.
