Naka-heightened alert na ang 3rd Infantry Division Philippine Army, subong nga founding anniversary sang Communist Party of the Philippines/New People’s Army/National Democratic Front (CPP/NPA/NDF).
Sa interview sang Bombo Radyo kay Lieutenant Colonel J-jay Javines, chief sang Division Public Affairs Office sang 3rd Infantry Division Philippine Army, iya ginpahayag nga ang alert status sang tropa sang gobyerno ang magalawig tubtob sa Marso sa masunod nga tuig.
Suno kay Javines, handa ang mga suldado ilabi na sa mga lugar sa Panay nga may mga presensya sang mga rebelde nga grupo.
Ginpahayag man sini nga ginamentenar sang ila katapo ang ila presensya santo man sa mando sang Philippine Army.
Wala man ginadula sang natungdan ang pag-monitor nila sa mga lugar nga masami may nagaluntad nga election related incidents ilabi na nga nagahilapit naman ang eleksyon.
