𝗜𝗟𝗢𝗜𝗟𝗢 𝗖𝗜𝗧𝗬 – Magabukas pa sa tuig 2025 ang mga gin-develop nga public markets sa Iloilo City.
Ini ang baliskad sa promisa ni Iloilo City Mayor Jerry Treñas nga matapos na ang mga merkado subong ng Disyembre 2024.
Sa interview sang Bombo Radyo kay Maricel Mabaquiao, Head sang Local Economic Enterprise Office, iya ginpahayag nga ang una nga gin-develop amo ang Mandurriao Public Market.
Suno kay Mabaquiao, 80% pa lang sang merkado ang na-develop.
Ini ang ginalauman nga matapos sa una nga quarter sang 2025.
Samtang ang Phase 1 sa construction sang merkado sa Arevalo district market ang natapos na.
Ginalauman naman nga matapos ang Phase 1 sang Jaro kag La Paz ang ginalauman nga matapos sa first quarter sang 2025.
Ang Phase 1 ang nagatumod sa skeletal structures sang merkado kaangay sang atop, bintana kag mga pirtahan ukon alagyan.
Sa 2nd quarter naman sang 2025 ginalauman nga matapos ang Iloilo Terminal Market kag Iloilo Central Market.
– 𝗪𝗶𝘁𝗵 𝗮 𝗿𝗲𝗽𝗼𝗿𝘁 𝗳𝗿𝗼𝗺 𝗕𝗼𝗺𝗯𝗼 𝗔𝗻𝗴𝗲𝗹 𝗧𝗮𝗻
