Patay ang driver sang motorsiklo matapos maglapaw ang ginamaneho nga motorsiklo sa Brgy. Rizal, Barotac Viejo, Iloilo.
Ang driver amo si Alex Villanueva, 23, residente sang Barangay Aripdip, San Rafael.
Sa interview sang Bombo Radyo kay Police Corporal Raymond Cabulong, imbestigador sang Barotac Viejo Municipal Police Station, iya ginpahayag nga nakainom ang biktima sang makahulubog nga ilimnon kag halin sa San Rafael kag papuli na kuntani sa Brgy. San Lucas, Barotac Viejo.
Sang nakalab-ot sa kurbadahon nga porsyon sang dalan, hinali lang ini nakabunggo.
Dugang pa, madasig ang pagpadalagan ni Villanueva kag madanlog ang dalan bangud naga-inulan.
Bangud sa mabaskog nga ‘impact’, nakaagum ini sang patal nga pilas sa iya ulo nga gintunaan san iya kamatayon.
Nahibaluan nga wala ini sang suksok nga helmet sang natabo ang aksidente.#
(Article: Bombo Phauline Pillora)
