Dako ang posibilidad nga makaangkon sang stress, anxiety kag discomfort ang mga ido kag kuring subong nga nagselebrar sang bag-ong tuig.
Sa interview sang Bombo Radyo kay Dr. Darel Tabuada, Iloilo Provincial Veterinarian, iya ginpahayag nga sensitive ang sense of hearing sang mga ido kag kuring rason man nga madasig sila nga makaangkon sang stress kag discomfort.
Suno kay Tabuada, agud nga indi ma-stress kag ma-trauma ang mga kasapatan, protektahan ini paagi sa pagpakaon sang maayo agud sila ang ma-relax.
Ginpahayag man sini nga mas makapamaayo kon ibutang ang ido kag kuring sa lugar nga secured ukon malinong pagkatapos sang new year.
