Gin-report sang Department of Health nga apat gid ka mga tawo ang napatay bangud sa firecracker-related accidents nga natabo sang ginsug-alaw sa Pilipinas ang bag-ong tuig.
Isa diri amo ang 44-anyos nga lalaki sa Dagupan City, Pangasinan nga nalukpan sang 5-Star firecracker sa iya mismo nga ulo.
Gin-alegar nga naghimo ini sang improvised bombshell kag didto ginhulog ang palupok. Gina-check sini ang palupok sang hinali ini nga nagsigabong sa iya mismo nawong ang madamo nga 5-star.
Ang duha ka iban pa ang nagikan sa Cebu samtang may isa naman ka 78-anyos nga anay manughimo sang palupok nga napatay man sa Nueva Ecija bangud sa mga pilas sa iya paa.
Nahibaluan nga halin Disyembre 22,2024 tubtub sang Enero 1, 2025, nagdangat sa 340 nga firecracker-related injuries ang na-report sa Department of Health nga 34% nga mas manubo ipaanggid sa 519 cases nga na-rekord sang nagligad nga tuig, apang possible pa nga magsaka bangud sa mga kaso sang late reporting.
Sa pihak nga bahin, sa ginbalhag naman sang Philippine National Police, nagsaka sa 27 ang kaso sang indiscriminate firing samtang nagasugata sa New Year nga mas mataas sa 20 nga na-report sang Disyembre 31, 2024.
