Nagpasalig ang Metro Pacific Iloilo Water (MPIW) nga tapuson nila pangkakas ang ila mga linya sa Ungka Flyover antes Enero 15, 2025.
Sa interview sang Bombo Radyo kay Engineer Jerry Guillergan, Head sang Engineering Department sang Metro Pacific Iloilo Water, iya ginpahayag nga nakasapol na sila sang nagligad pa nga semana kaupod ang Deparment of Public Works and Highways (DPWH) kaangot sa pagkuha sang ila linya sa flyover.
Suno kay Guillergan, may leak ukon tagas ang ila linya sa pier 7 sang flyover bangud man sa tuman ka daan nga tubo.
Gin-ako man sini nga indi madali nga makay-o ang leak bangud sa ginapatuman nga ‘shoring’ sang DPWH sa Ungka Flyover.
Gindugang man sang natungdan ang factor sang safety sang ila tinawo samtang naga-ubra sa flyover.
