Mahimu na maka-apply sa City Social Welfare and Development Office ang mga solo parents agud nga makabaton sang ₱1000 nga monthly subsidy halin sa Iloilo City Government kag may booklet pa para sa 10% nga discount sa pagbakal sang mga gamit sang mga kabataan.
Sa interview sang Bombo Radyo kay Councilot Frances Grace Parcon, chairman sang Committee on Women and Family sa Iloilo City Council iya ginpahayag nga mga solo parent nga may minimum wage and below ang mahimo makapasa sang mga requirements sa City Social Welfare and Development Office para mapaidalom sa screening.
Suno kay Councilor Parcon, kabahin sa mga mahimo nga mag-apply ang mga balo, seperado sa asawa ukon bana kag pwede man ang indi kasado nga sigurado nga may kustodiya sang bata.
Paathag niya, diretso na ang pag-apply sa City Social Welfare and Development Office kag indi na mag-agi pa sa barangay ang application agud mapaidalom gilayon sa case study.
