Balantayan na alas syete karon sa gab-i ang koronasyon sa Miss Iloilo 2025 nga kabahin sang selebrasyon sang Dinagyang Festival.
Hiwaton ini sa Cultural Center sang West Visayas State University (WVSU) sa La Paz, Iloilo City.
10 ka mga kandidata nga magapa-indis-indis para sa mga titulo nga amo sanday:
Denielle Orsua (Jaro, Iloilo City)
Coleen Faye Peniero (Calinog)
Karla Marie Dunlap (Mandurriao, Iloilo City)
Elaine Segura (Guimbal)
Karen Nicole Piccio (Maasin)
Frylle Vy Eunice Aguacito (San Enrique)
Teshia Kaye Palomo (San Enrique)
Clarise Deocades (Dumangas)
Jenna Mae Parina (Molo, Iloilo City)
Rhea Marissa Puyong (Passi City)
Magabalik naman sa pag-host si Nicole Cordoves nga amo ang Miss Grand International first runner-up sang 2016.
Sa panel sang judges, yara sanday The Miss Philippines Supranational 2025 Tarah Valencia; Miss Earth Air 2023 Yllana Marie Aduana; kag Miss Grand International 2020 first runner-up Samantha Bernardo.
Magluwas sa tatlo ka beauty queens, magaserbe man nga judge ang entrepreneur kag president sang Rockwell Club kag CEO sang GICF nga si Mr. Beaver Lopez. Kilala man siya nga advocate para sa health and wellness.
Ini nga pageant ang gin-organisar sang Iloilo City Government kag Iloilo Festivals Foundation, Inc. (IFFI).
Lakip sa ihatag nga titulo amo ang Miss Iloilo-Universe, Miss Iloilo-World, Miss Iloilo-Binibini, kag Miss Iloilo-TMP (The Miss Philippines). Ini nga winners ang magatiglawas sang Iloilo sa prestihiyoso nga national pageants.
(Photo: Miss Iloilo)
