Indi kudeta ukon military junta ang sabat sa mga problema sa pungsod kundi ang pagboto sa maayo nga mga lider.
Ginpahayag ini ni Armed Forces of the Philippines (AFP) chief of staff Gen. Romeo Brawner Jr. kaangot sa nagahilapit na gid nga eleksyon sa Pilipinas.
Kaangot man ini sa kontrobersyal anay nga panawagan ni former President Rodrigo Duterte nga dapat tadlungon sang militar ang mga gin-alegar sini nga “guba” sa administrasyon ni President Ferdinand Marcos, Jr.
May mga nagakatublag kun tampad gid man ang military sa idalom sang Marcos administration, apang sa bahin ni Brawner, ginsiling sini nga indi sabat sa problema sang sosyudad ang mga tikang kaangay sa kudeta.
“Because many are complaining now about our country’s problems, others think that the solution is to have a military coup d’etat or military junta. This is not the solution. Let us handle our election better,” suno kay Brawner.
Dapat lang suno sa iya nga magsalig sa proseso sang demokrasya kag gamiton ang eleksyon agud nga matuman ang ginalauman nga mga pagbag-o sa Pilipinas.
“Our call to the people is to use this election as a platform to express our desires by voting for the right individuals who will serve the country and our society,” pahayag pa sang AFP chief. “Let us use our voice to correct what we want to correct.”
Gindeklarar man sini nga committed ang military sa ila obligasyon nga ipabilin nga hilway kag malinong ang eleksyon para nga mabatian ang tingog sang mga Pilipino kag tahuron kun ano man ukon sin-o man ang ila nga pilion.
