𝗜𝗟𝗢𝗜𝗟𝗢 𝗖𝗜𝗧𝗬 – Arestado ang isa ka high value individual sa ginpatigayon nga drug buy bust operation sa Zone 2, Barangay Bakhaw, Mandurriao, Iloilo City.
Ini amo si alyas Soksok, residente sang nasambit nga lugar.
Sa interview sang Bombo Radyo kay Police Captain Ryan Christ Inot, pinuno sang Iloilo City Drug Enforcement Unit, iya ginpahayag nga nakabaton sila sang impormasyon nga madamo sang mga parokyano nga nagagwa sulod sa balay sang subject.
Suno kay Inot, ang balay sang subject ang nahamtang mismo sa balay sang Barangay Kagawad.
Naglawig naman sang duha ka semana ang pag-monitor sang mga otoridad antes ini nadakpan.
Nakuha naman sa posisyon sini ang 50 grams sang ginapatihan shabu nga nagabalor sang masobra P300,000.
Napreso naman ini sang tuig 2018 bangud sa paglapas sa Republic Act No. 9165 ukon Comprehensive Dangerous Drugs Act of 2002 kag liwat naman ini nga napreso subong nga tuig sa kaangay nga kaso.
