Nagdonar sang $2.5 million ang singer nga si Beyonce para sa bag-o ginlunsar nga LA Fire Relief Fund nga gintukod sang iya charitable foundation nga BeyGOOD.
Suno sa foundation, ang pondo ang gamiton sa pagbulig sa mga pamilya sa Altadena/Pasadena area nga nadulaan sang balay, amo man sa mga simbahan kag community centers para ma- address ang kinahanglanon sang mga biktima sang wildfires.
Gintukod sang 2013, ang BeyGOOD foundation naga-concentrate sa economic equity paagi sa pagsuporta sa mga marginalized kag under-resourced programs.
Sang nagligad nga semana, ginpakigbahin sang iloy ni Beyoncé nga si Tina Knowles nga ang iya bungalow sa Malibu ang nasunog man sa Los Angeles.
Nahibaluan nga kapin 16,000 ka ektarya sang Los Angeles ang ginlamon sang kalayo kag nagresulta sa 24 ka mga patay kag 100,000 ka mga residente naman ang yara sa evacuation orders.
