Naluwas sang Philippine Navy ang 121 ka mga Pinoy nga sakay sa isa ka vessel nga anum ka adlaw nga na-missing sa tunga sang kadagatan sa Tawi-Tawi.
Sa statement sang Navy, ginsiling nga naguba ang makina sang J Sayang 1, nahubsan sang gatong, kag naguba pa ang communication equipment samtang yara sa tunga sang Sulu Sea kag malain pa ang panahon.
“The vessel, carrying 106 passengers and 15 crew members, had been stranded for nearly six days due to engine failure and adverse weather conditions,” kabahin sang statement sang Navy.
Sang Martes, nakit-an sang navy patrol boat ang sakayan sa southern Tawi-Tawi.
Ginpahayag nga naglain gid ang pamatyag sang 106 ka mga pasahero kag 15 ka crew members bangud limitado lamang ang pagkaon kag tubig kag wala pa sang kasiguruhan kun san-o sila ma-rescue sa sulod sang halos isa ka semana nila nga pagtinir sa tunga sang dagat. Suno sa Navy, nakaluwas ang tanan nga sakay sa sakayan paagi lamang sa stock nga pagkaon nga yara sa vessel.
“All passengers and crew were in good physical condition but were psychologically distressed after days of limited food and water,” dugang sang statement.
Nahibaluan nga halin kuntani ang vessel sa pantalan sang Zamboanga kag pakadto sa Turtle Islands malapit na sa Malaysia nga isa sa pinakanabaw-ing nga areas sa Pilipinas.
