𝗜𝗟𝗢𝗜𝗟𝗢 𝗖𝗜𝗧𝗬 – Gin-suspend ni Iloilo City Mayor Jerry Treñas ang face-to-face classes sa pila ka mga eskwelahan sa syudad bilang kabahin sa selebrasyon sang Dinagyang Festival 2025.
Sa interview sang Bombo Radyo kay Joy Fantilaga, spokesperson ni Treñas, iya ginpahayag nga sa idalom sang Executive Order No. 11, nasaad nga katuyuan sang suspension sang klase amo nga mahatagan sang kahigayunan ang mga estudyante kag educators nga magpasakop sa cultural kag religious festivities.
Ang suspension sang klase ang ipatuman sa Enero 22, 22, 23, 24, kag 27 sa masunod nga mga eskwelahan:
I. Arroyo Elementary School
Hibao-an Integrated School
Taal Elementary School
Nabitasan Integrated School
Andres Bonifacio Integrated School
Bo. Obrero Elementary School
Iloilo Central Elementary School
Rizal Elementary School
A. Mabini Elementary School
Lapaz Elementary School
Jaro II Elementary School
A. Montes I Elementary School
A. Montes II Elementary School
Dugang pa, ang face-to-face classes naman sa tanan nga preschool tubtob senior high school sa Iloilo City ang i-suspend sa Enero 27, isa ka adlaw matapos ang highlight sang Dinagyang agud mahatagan sang tion ang tanan nga makapahuway.
Samtang ang suspension naman sang klase para sa tertiary education institutions ang magadepende sa discretion sang tagsa ka mga school ukon university heads.
