Naatrasar ang pagdeklarar sang food security emergency sa Pilipinas.
Suno kay Department of Agriculture (DA) spokesman Arnel de Mesa, wala pa gihapon nakaabot sa ila ang resolusyon nga ginpasar sang National Price Coordinating Council (NPCC).
Santo sa nauna nga pahayag ni DA Secretary Francisco Tiu Laurel, Jr., kun makaabot na sa ila, repasuhon pa ini sang duha ka adlaw antes ideklarar.
Ang ginapatuhuyan sini amo ang price council resolution nga naga-rekomendar sang deklarasyon sang food emergency bangud sa nakit-an nga extraordinary increase sa presyo sang bugas sa mga merkado.
Magluwas sa tiglikom sang DA, ang iban pa nga mga miyembro sang NPCC amo ang mga head sang Department of Trade and Industry, Department of Health, Department of Environment and Natural Resources, Department of the Interior and Local Government, kag iban pa.
Una kuntani nga gin-schedule ang deklarasyon Enero 22, ukon kahapon.
May nauna naman nga pahayag si President Ferdinand Marcos Jr. nga pabor siya sa sini nga tikang agud pwersahon na nga magnubo ang presyo sa mga merkado bangud mataas man gihapon ini apisar ginpanubo na ang taripa.
