Target sang Pilipinas nga makahimo pa sang mas madamo nga Free Trade Agreements (FTA) sa sini nga tuig.
Ini ang kabahin sang tikang sang gobyerno nga mapasangkad ang merkado para sa mga produkto nga ginahimo sa pungsod.
Suno sa Department of Trade and Industry (DTI), bag-o lamang natapos sang Pilipinas ang negosasyon para sa isa ka FTA upod ang Chile.
Ini ang ginalauman nga magahatag sang mas daku nga access sa merkado sang South America para sa mga produkto sang mga Pilipino.
Suno kay Trade Secretary Cristina Roque, daku ang potensyal nga merkado sa South America, gani importante ang amo nga kasugtanan para sa mga lokal nga produkto kag negosyo.
Matandaan nga ginpahayag ni Presidente Ferdinand Marcos Jr. sa iya ikalima nga State of the Nation Address (SONA) nga may yara na sang 23 ka FTAs ang Pilipinas nga yara na sa active negotiation kaupod ang iban nga nasyon.
Target man sang DTI nga matapos sa sini nga tuig ang negosasyon para sa pila ka importante nga trade agreements, lakip na ang Philippine-European Union FTA, Philippine-Canada FTA, ASEAN Trade in Goods Agreement ukon ATIGA, kag Japan-Philippines Economic Partnership Agreement ukon JPEPA.
Suno kay Roque, makabulig ang JPEPA para mapasangkad liwat ang access sang mga produktong Pinoy, lakip na ang saging, sa merkado sang Japan.
Ang pinakabag-o naman nga FTA sang Pilipinas amo ang kasugtanan sini sa United Arab Emirates nga ginpirmahan sang Enero. Ini ang una nga FTA sang Pilipinas sa isa ka pungsod sa Middle East.
Katuyuan sini nga mapanubo ang taripa, mapalapad ang access sa mga produkto kag serbisyo, madugangan ang investments, kag makahimo sang mas madamo nga oportunidad para sa mga Filipino professionals kag service providers sa UAE.
 sa sini nga tuig, suno sa DTI.){kind=link}