Isa ka tumalagsahon nga kaso ang ginreport sa China, kon sa diin nakuha sang mga doktor ang isa ka malformed twin sa utok sang isa ka tuig nga bata nga babayi.
Ini kasunod nga ang lamharon nagpakita sang mga senyales sang pagdako sang iya ulo nga nagtulod man nga maghibaluan ang amo nga kaso. Ang nakuha nga partially formed twin, ang may mga tul-an pareho sang spine, mga butkon, kag mga tudlo.
Nahibaluan nga ang talagsahon nga hitabo, nga kilala sa tawag nga fetus-in-fetus, nagakatabo sa 1 sa 500,000 ka pagkabun-ag, kon sa diin ang isa ka kapid nagadako sa sulod sang iya kapid.
Ang fetus-in-fetus masami nga ginasal-an nga sa isa ka sahi sang tumor, apang mahimo ini makilala paagi sa presensya sang aktwal nga mga bahin sang lawas.
Samtang ang kalabanan nga mga kaso nagalakip sang pagtubo sang mass sa tiyan, kag talagsa lang ini makita sa utok. Wala pa sa 200 ka mga kaso ang nadokumento sa bug-os nga kalibutan, kag nagadugang ini sa magamay nga kaso, kon sa diin ang kapid ang nagadako sa isa ka tumalagsahon nga lokasyon sang lawas.
Ang ini nga tumalagsahon nga kaso ang nabalhag sang mga doktor sa Shanghai, China sang Marso, 2023.
