Nagapati ang isa ka public health expert nga isa ang hypertension sa mga sakit nga para sa mga Filipino, ginakabig na lamang isa ka normal.
Sa interview sang Bombo Radyo kay Franco Miguel Nodado, Vice President sang Iloilo City Host Leo Club, iya ginpahayag nga madamo sa mga Ilonggo ilabi na sa mga driver ang nagasuprer sang hypertension.
Ang hypertension ang kilala sa tawag nga high blood.
Suno kay Nodado, madamo sang misinterpretation nahanungod sa pag-inom sang bulong nga nagapahagan-hagan sang high blood.
Lakip na diri ang pagpaiway nga mag-inom sang bulong bangud kuno, makaguba sang kidney.
Gin-athag man ni Nodado nga ang pag-inom sang bulong para sa high blood ang tuman gid ka importante, baliskad sa misconception nga nagaguba sang kidney.
Ginpangabay man sang natungdan ang publiko ilabi na ang mga na-diagnose nga may high blood nga mag-inom gid sang bulong agud indi na maglala pa ang amo nga balatian.
Nagpanugyang man ini nga magpaidalom sa mga health screening agud gilayon nga matumod kon nagasuprer sang nasambit nga balatian.
