Ginaplano sang Iloilo City Government nga dumilian ang park shot ukon pag-inom sang makahulubog nga ilimnon sa Sunset Boulevard sa Iloilo Circumferential Road sa Oton-Pakiad-Mandurriao Road.
Sa interview sang Bombo Radyo kay Iloilo City Mayor Jerry Treñas, iya ginpahayag nga nakahanda na ang prohibitions nga i-implementar sa Sunset Boulevard lakip na diri ang pagdumili man sa pagbaligya sang mga vendors.
Suno kay Treñas, bisa siya ang nakibot sa kadamuon sang tawo nga nagapadulong sa lugar nga nagdala man sang madamo nga volume sang basura.
Nagmando man ang alkalde sa General Services Office (GSO) nga dugangan ang waste bin sa lugar agud mahagan-hagan ang paglinapta sang basura.
Magaserbe man nga basurahan sa Sunset Boulevard ang pila ka flowerpot sa Calle Real.
Ginalantaw man sang city government nga magpangita sang anti rabies vaccine kasunod sang pila ka mga reports nga may mga nagapangagat nga ido kag nagapangaros nga mga kuring sa lugar.
Wala man napunggan sang natungdan nga magpabutyag sang kalipay kasunod sang pagdugok sang tawo sa proyekto sang syudad.
