Ginpasigurado sang Task Force on Moral Values Formation nga wala na sang may mag-park shot ukon mag-inom sang makahulubog nga ilimnon sa Iloilo Sunset Boulevard.
Sa interview sang Bombo Radyo kay Nestor Canong, Head sang Task Force on Moral Values Formation, iya ginpahayag nga sa subong, wala na sang may nabalhag ang ila talatapan nga mga ginsaway kaangot sa park shot sa lugar.
Ginhatagan man sini sang pagtamod ang pagbuhin sang mga basura sa lugar kon sa diin, sa subong, wala na sang may nagalinapta.
Suno kay Canong, padayon sila nga magalibot agud mapabilin ang amo nga estado sa lugar kag indi na masulit ang paglinapta sang basura lakip na ang mga botelya sang makahulubog nga ilimnon.
Gintuad man sang natungdan nga pasangkaron sang ila Task Force ang ila curfew sa mga kabataan nga nagaliho-liho sa lugar.
Lakip man sa bantayan sang talatapan ang compliance sang mga vendors sang ila permit kag pagsulundan agud makabaligya sa lugar.
