Dead on the spot ang Assistant Schools Division Superintendent (ASDS) sa Ministry of Basic Higher Technical Education sa Sulu matapos nga gintiro sa sulod mismo sang compound sang iya opisina.
Ang biktima amo si Sonatria Dandon Gaspar, residente sang San Raymundo, Jolo, Sulu.
Base sa inisyal nga imbestigasyon sang kapulisan, nagalakat ang biktima padulong sa iya nga opisina sang hinali lang nga ginluthang sang suspek sa iya nawong kag sa likod.
Narekober sang otoridad sa crime scene ang duha ka basiyo sang caliber .45 pistol.
Gindala pa ang biktima sa Sulu Provincial Hospital apang gindeklarar nga dead on arrival sang doktor.
Padayon pa ang imbestigasyon sang Jolo Municipal Police Station sa krimen.
