Ginkumpirma ni Interior Secretary Jonvic Remulla nga isa ka sindikato ang sa likod sang pagkidnap sa 14-anyos nga Chinese student nga nasalbar sang Martes.
Ang biktima, gin-utdan sang tudlo samtang ang iya driver ang ginpatay naman.
Suno kay Remulla, mga tawo nga involved sa Philippine Offshore Gaming Operator (POGO) ang yara sa likod sang pagkidnap sa solterito.
Pebrero 20 sang una nga gin-report sang mga ginikanan sang biktima ang pagkadula sang ila anak.
Ang salakyan nga nagasugat sa solterito ang nakit-an sa C5 Southbound.
Sang Biyernes sang nakit-an ang bangkay sang driver sang biktima.
May impormasyon ang mga otoridad nga nakuha sa salakyan kun sa diin nasapwan ang driver kag nakabulig sa pagpangita sa mga kidnapper.
Yara sa $20 milyon ang una nga ginpangayo sang mga suspek bilang ransom tubtob nga nagnubo sa $1 milyon.
Apang wala naghatag sang ransom ang pamilya.
Sang Lunes, nakakuha ng impormasyon ang mga otoridad sa posible nga nahamtangan sang mga kidnaper.
Sang Martes kadungan sang hot pursuit operation, nakita ang solterito nga nagalakat sa dalan nga may bandage ang kamot.
