Available na sa merkado ang imported nga pula nga sibuyas.
Gin-anunsyo ini ni Agriculture Secretary Francisco Tiu Laurel Jr. matapos nag-abot na sa Pilipinas ang at least 500 metric tons sang amo nga produkto nga ginbakal halin sa luwas sang pungsod.
Kabahin ini sang 4,000 MT sang imported onions nga aprubado sang Department of Agriculture nga ginalakipan sang 3,000 MT nga pula kag 1,000 MT nga puti nga bombay.
Bangud sa pag-abot sini, ginalauman sang ahensya nga maga-us-os sa P80 tubtub sa P100 per kilo ang baligyaanay sang red onions sa mga merkado.
“PHP80 to PHP100, masaya tayo diyan, compared doon sa nakikita nating PHP180 to PHP200. So, makita natin na these prices talaga, okay,” suno kay DA spokesperson Assistant Secretary Arnel De Mesa.
Matandaan nga may mga grupo nga nagreklamo sa tikang sang DA, apang nagdepensa ang ahensya nga kinahanglanon gid ang importasyon para mapunggan nga magsaka pa ang retail prices.
Ang ginakahangaw-an naman sang farmers’ groups amo nga magnubo ang farmgate prices sang onions sa tunga sang harvest season.
