May pagnubo sa presyo sang liquefied petroleum gas ukon LPG epektibo subong nga Marso 1.
Suno sa Petron, gin-implementar sini ang P1.20 rollback per kilo sa LPG prices umpisa 12:01 kaina sang kaagahon.
Sa bahin sang Solane, ginbuhinan man sini ang presyo sang P1.19 per kilo sugod 6:00 subong nga aga.
ROLLBACK SA GATONG
Maayo man nga balita para sa mga motorista bangud may rollback man sa oil prices nga ipatuman sa Martes sang aga.
Santo sa forecast sang Department of Energy, yari ang adjustments:
Gasoline – maganubo sang P0.80 tubtob 1.20 per liter;
Diesel – maganubo sang 0.70 tubtob 1.20 per liter; kag
Kerosene – maganubo sang 1.30 tubtob 1.50 per liter
Ang ginalantaw nga mga rason sa rollback sa presyo amo ang pagbuhin sang South Korean government sang tax benefits sa gasoline kag diesel nga nag-apekto sa oil prices kag demand.
Lakip man diri ang imposition sang Estados Unidos sang taripa sa Canadian imports nga amo ang nag-temper sang demand, kag gindugangan man sang impormasyon sang posible nga peace deal sa tunga sang Russia kag Ukraine nga mahimo mag-resulta sa pag-lift sang sanctions batok sa Moscow.
Nahibaluan nga ang Russia amo ang pangatlo sa pinakadaku nga oil producer kasunod sa U.S. kag Saudi Arabia.
