Ginmanduan ni President Ferdinand R. Marcos Jr. ang Department of Agriculture (DA) nga padasigon ang livestock consolidation kag pabaskugon ang biosecurity measures agud dalayon nga matapna ang African swine fever (ASF).
Suno sa presidente, importante ang biosecurity magluwas pa gid sa ginahimo subong nga pagpangbakuna batok sa ASF.
Ginsiling naman ni DA Undersecretary Designate for Livestock Constante Palabrica nga naga-implementar na ang ahensya sang biosecurity kag ginpahibalo na ang mga manguguma kun paano ini himuon.
Ginsiguro man sa presidente nga 80% sang mga baboy ang protektado gid kun makabaton na sang bakuna.
Base sa timeline sang DA, ginalauman nga makakuha na sang approval para sa commercial vaccination batok sa ASF sa Abril. Ini nga commercial vaccination ang nagatuyo nga mapadasig ang pagbangon sang local hog industry sa epekto sang ASF ilabi na ang nag-igu sa third kag last quarter sang 2024.
Nahibaluan nga at least 490,000 doses sang ASF AVAC live vaccines ang gina-target nga matublok sa idalom sang government-controlled vaccination.
