Amat-amat na nga nagahina ang northeast monsoon ukon “Amihan” samtang ang pagbaylo sa tig-ilinit ginapaabot sa una nga semana sang Marso.
Suno sa Philippine Atmospheric, Geophysical and Astronomical Services Administration (PAGASA), ang opisyal nga pagsugod sang tig-ilinit ginalauman nga ideklarar sa Marso, nga nagadala sang dugang nga risgo sang mga insidente sang sunog, lakip ang grassfire.
Ginpabaskog naman sang Bureau of Fire Protection (BFP) ang pagtinguha nga matapna ang sunog paagi sa pagpasanyog sang regular nga pagpanghawan sang mga hilamon.
Nagakoordinar man ang BFP sa mga barangay officials agud mapabaskog ang fire prevention measures sa mga lokal nga komunidad.
