Ginkondena ni Mexican President Claudia Sheinbaum ang ginpatuman ni US President Donald Trump nga 25% tariff sa imports halin sa Mexico.
Suno sa Mexican president, wala sang justification para sa amo nga taripa kag magabalos diri ang Mexico bangud apektado ang ila mga pumuluyo.
Ang lihok ni Trump ang ginpatuman matapos ang inisyal nga 30-day nga pagpaiway sini sang tion nga nagapatigayon ang Mexican officials sang pagpakigsugilanon sa Washington.
Gindeklarar ni Trump nga napaslawan ang Mexico, amo man ang China kag Canada nga maghimo sang tikang nga punggan ang pagsulod sang deadly fentanyl opioid kag ang mga precursor chemicals pasulod sa US.
Suno kay Sheinbaum, magapagwa ini sang detalye sa sabat sang Mexico kalakip na ang retaliatory tariffs sa Domingo.
Sa bahin sang China, nagsabat ini paagi sa pagdugang sang taripa nga 10%-15% sa pila ka US imports umpisa sa Marso 10 kag ang serye sang ag-o nga export restrictions para sa designated US entities.
Gindugang man sini nga nagpasaka na ini sang complaints sa World Trade Organization angot sa polisa ni Trump.
Sa bahin naman sang Canada, ginsiling ni Prime Minister Justin Trudeau nga magapatuman ini sang 25% tariffs sa C$30 billion nga balor sang US imports effective immediately.
