ILOILO CITY – Nagabitay na ang isa ka call center agent sang nasapwan sa sulod sang iya boarding house sa Barangay Bolilao, Mandurriao, Iloilo City.
Ang biktima ang ginabanta naga-edad sang 30 anyos kag residente Dumangas, Iloilo.
Sa interview sang Bombo Radyo kay Barangay Tanod Felix Lopez, Jr., iya ginpahayag nga ang kaupod mismo nga boarder sang biktima ang nakakita nga nagabitay na ini gamit ang shoe lace.
Suno kay Lopez, nakit-an pa kagab-i ang biktima nga nagalantaw sa iya laptop kag nagahibi.
Nagbilin naman sang sulat ang biktima sa ibabaw sang iya lamesa sa diin nakasulat ang mga pangalan nga “Esla Dieron” kag “Johny Galfo” kag nasaad nga pangitaon ang mga ini sa talipapa sa PD Monfort, Dumangas, Iloilo.
Nagapadayon naman ang imbestigasyon sang mga otoridad sa insidente.
Kung ikaw maka-eksperyensya sang mental health crisis, gilayon magtawag sa:
SUICIDE PREVENTION HOTLINE – CENTER FOR HEALTH DEVELOPMENT WESTERN VISAYAS
📞 1-800-10-333-8336
📱 09985324047 | 09255469919
🏥 WVSUMC – (033) 3202431 loc. 162 or 209 | 3292360
🏥 WVMC – (033) 3211797 loc. 186 | 5037708
-𝗪𝗶𝘁𝗵 𝗮 𝗿𝗲𝗽𝗼𝗿𝘁 𝗳𝗿𝗼𝗺 𝗕𝗼𝗺𝗯𝗼 𝗝𝗼𝗺𝗮𝗿 𝗩𝗶𝗹𝗹𝗮
