Makaluluoy ang naaguman sang tatlo ka tuig nga bata nga babaye nga napatay sa kamot sang iya utod.
Ang bata ginhampak sang salsalon, ginbuno kag ginhimuslan pa sang kaugalingon nga 17-anyos nga utod sa Jose Abad Santos, Davao Occidental.
Nasapwan ang biktima nga hublas kag duguon ang nawong sa isa ka pugon sa Sitio Nara,Barangay Nuing.
Naggwa sa imbestigasyon nga hubog nga nagpauli ang suspek sa ila nga balay kag pag-abot, gindala niya ang utod sa pugon nga malapit sa ila balay.
May yara sang nakakita nga 10- anyos nga bata sa pagdala sang suspek sa biktima.
Makaligad ang pila ka minutos, may nabatian ini nga nagahibi nga bata apang wala niya ini ginsapak.
Nadakpan sang mga residente ang suspek malapit sa ginluntaran sang krimen.
Natalana ini nga pasakaan sang reklamo nga rape with homicide.
Gin-ako naman sini ang krimen nga ginhimo sa iya manghod.
Base sa post-mortem examination, may nakit-an nga laceration sa kinatawo sang biktima.
