Pito na ka indibidwal ang napatay bangud sa dengue sa Iloilo Province.
Base sa data sang Iloilo Provincial Health Office, 935 ang kabug-usan nga kaso sang dengue sa probinsya humalin sang Enero 1 tubtob Marso 8, 2025.
Ang San Joaquin amo ang nagapanguna sa may pinakamataas nga kaso sang dengue nga may 69.
Ginasundan sang Oton nga may 58; Leon nga may 56; Cabatuan nga may 45 kag San Dionisio nga may 40 nga kaso sang dengue.
Nahibaluan nga naglab-ot na sa 942 ang kabug-usan nga kaso sang dengue sa probinsiya sang Iloilo base sa record PHO sa ika-10 nga morbidity week halin Enero 1 tubtob Marso 8, 2025.
Kon balikan sa nauna nga lima ka narekord nga napatay amo ang duha ka tuig nga bata nga babaye halin sa Tigbauan; isa ka anum ka tuig nga bata nga lalaki gikan sa Pototan, isa ka 11 ka bulan nga lapsag nga lalaki nga taga-Oton, isa ka 67-anyos nga babaye nga taga-Pototan, kag isa ka 71-anyos nga lalaki nga taga-Carles.
