Nakabisita na si Vice President Sara Duterte kay former President Rodrigo Duterte sa labing-una nga tion halin sang gin-detain ini sa detention facility sang International Criminal Court sa The Hague, Netherlands.
Suno sa bise-presidente, nagkit-anay sila sang iya amay sa visiting area, apang wala gid niya nakit-an kun sa diin ini nga parte sang pasilidad gin-detain.
Pahayag sini, nakapahuway sang maayo ang iya amay, nakatulog, apang nagreklamo nga nahidlaw na magkaon sang pagkaon sang mga Pinoy.
Ginsiling man ni Sara nga naghingyo ang iya amay nga magbalik na siya gilayon sa Pilipinas.
”As a request he asked me to go home. He repeatedly said, ‘Do not leave the country. Do not leave the Philippines.’ I told him I know I understand. I don’t want to be here as well but unfortunately I’m the only who has a Schengen visa and I am the only one who is a lawyer. I told him when we are able to meet with the legal team I will immediately return home and do my work,” pahayag sini.
”I told him I just have to form that legal team, then I can work remotely in the Philippines talking to the legal team and just need a next of kin to come here. Everyone’s applying for a visa right now.”
Ginkumpirma man sang vice president nga gin-appoint sang iya amay ang British lawyer nga si Nicholas Kaufman bilang iya nga defense counsel.
Sa initial appearance hearing sang chamber kagab-i, yara si Sara sa gallery kag kaupod sini sanday former presidential spokesperson Harry Roque kag Senator Robin Padilla.
Ginkontra naman ni Roque kun ngaa duha ka adlaw pa kag ginpasugtan sang ICC si Sara nga makit-an ang iya amay.
Ginsiling man sini nga gusto nila nga legal team nga maga-desisyon ang korte kaangot sa ila gin-raise nga isyu nga kidnapping ang paagi sa pag-aresto sa former president.
Gintawag sini nga “travesty of justice” ang paagi kun paano ginkuha si Duterte sa Pilipinas, kag gin-cite pa ang South African jurisprudence nga State vs Ebrahim.
Ginsiling sini nga indi matadlong ang isa ka sala, paagi sa paghimo sang isa pa gid ka sala.
“We are very much disappointed that the court did not address the issue of kidnapping as a means to divest the court of jurisdiction,” suno kay Roque sa Facebook Live.
“The ICC should again set an example in promoting international justice and when kidnapping is allowed as a means of acquiring jurisdiction of the accused, we think this too is a travesty of justice,” dugang pa sini.
“The illegality of the arrest should divest the courts of its jurisdiction. you cannot correct a wrong by committing another wrong.”
Martes sang gindakop si Duterte sa NAIA sang nag-abot ini halin sa Hong Kong.#
