Ginhatagan sang igtalupangod sang ENT (Ear, Nose, and Throat) specialist ang ‘common all-year-round’ nga kaso sang ear problems.
Sa interview sang Bombo Radyo kay Dr. Joebert Villanueva, head sang ENT Care Center sa Western Visayas Medical Center, iya ginpahayag nga 80% sa outpatient sa ila talatapan ang nagapangatubang sang problema sa dulunggan.
Suno kay Villanueva, wala sang season nga ginapili ang balatian sa hearing ukon ear problem.
Lakip man sa ginpunto sini ang ‘impacted cerumen’ ukon ang mga nagabagtik nga tutuli nga isa sa nagapanguna nga kaso sa idalom sang ear problems.
Ginpahayag man sini nga isa man sa gina-eksperyensya sang kadam-an amo ang ‘Otitis externa’ ukon ang inflammation sang ear canal nga mahimo makatuga sang pagkabungol kon indi mahatagan sang nagakaigo nga pagbulong.
