Nagpa-Bombo ang mga ginikanan sang Jaro 1 Elementary School, matapos gindumilian sila makasulod sa eskwelahan.
Sa interview sang Bombo Radyo kay Bong Diaz, iya ginpahayag nga nakibot na lang siya nga indi na ini pagpasugtan nga madul-ong ang iya anak nga grade 2 sa sulod sang eskwelahan.
Suno kay Diaz, wala sila may nabaton nga pahibalo ukon nga naimbitaran sa isa ka meeting nahanungod sa nasambit nga polisa.
Kuntani suno sa natungdan, ginsapol anay sila nga mga myembro sang Parent Teacher Association (PTA) antes ginpatuman ang amo nga polisa.
Ginakabig man sini nga disbentaha sa ila nga mga ginikanan, ilabi na sa sitwasyon sang iya anak nga babayi nga naga-edad sang 7 ka tuig bangud mabug-at ang mga gamit sini.
Nagalaom man ini nga ipatawag sila nga mga ginikanan para ipaathag ang mga polisa sang nasambit nga eskwelahan.
