Ginkumpirma sang China nga nagpatigayon ini sang pagpatrolya sa West Philippine Sea sang Byernes nga amo man ang adlaw sang pagkitaay sang Philippine officials kag ni United States Defense Secretary Pete Hegseth.
Kadungan sang kumpirmasyon sang Beijing, nagpalagtik man ini sang istorya sa Pilipinas nga ginaguba sini ang kalinong sa amo nga teritoryo.
Suno sa Southern Theatre Command sang People’s Liberation Army, masami nga nagahagad ang Pilipinas sang foreign countries agud mag-upod sa “joint patrols” kag magpalapta sang “illegal claims” sa rehiyon.
Nahibaluan nga sang Byernes, nag-updanay naman ang defense forces sang Pilipinas, Estados Unidos, kag Japan sa Multilateral Maritime Cooperative Activity (MMCA) sa Indo-Pacific area.
Ginsiling sang AFP nga ang joint sail ang makabulig sa pagpasangkad kag pagpaayo pa sang interoperability kag pabaskugon pa ang combined capabilities sang tatlo ka mga nasyon.
Antes nagbiya si Hegseth sa Pilipinas, nag-courtesy call man ini kay President Ferdinand “Bongbong” Marcos Jr. sa Malacañang.
”As we’ve talked about, peace through strength is a very real thing. Deterrence is necessary around the world, but specifically in this region in your country, considering the threats from the communist Chinese,” suno kay Hegseth. ”Friends need to stand shoulder to shoulder to deter conflict to ensure that there’s free navigation, whether you call it the South China Sea or the West Philippine Sea, we recognize that your country has stand very firm in that location and in defense of your nation.”#
