Nagsabat si Iloilo City Mayor Jerry Treñas kasunod sang ginapahayag nga wala ini naghatag sang “peace” kanday former Mayor Jed Patrick Mabilog kag Congresswoman Julienne Baronda kadungan sang pag-exchange sang “sign of peace” sa Jaro Metropolitan Cathedral.
Nagapungko sa isa lang ka pulungkuan sanday Treñas, Mabilog kag Baronda sa front row.
Nahibaluan nga nagtambong ang mga ini sa seremonya sa pormal nga pagpungko subong nga adlaw bilang bag-o nga arsobispo sang Archdiocese of Jaro si Most Rev. Midyphil Bermejo Billones, D.D. bulos kay Most Rev. Jose Romeo O. Lazo, D.D., Archbishop-emeritus of Jaro.
Sa interview sang Bombo Radyo kay Mayor Treñas, iya ginpahayag nga wala lang nagtabuay ang ila panulok nanday Mabilog kag Baronda.
Suno sa alkalde, naghatag man ini sang sign of peace kay Vice Mayoralty candidate Love-love Baronda nga yara man nagatindog sa likod nila.
Pahayag sang alkalde, kun nahatagan lang sang kahigayunan nga nagtabuay ang ila panulok, luyag gid sini nga maghatag sang paghidaet sa anay alkalde kag sa kongresista.
