Dakop sa ginpatigayon nga buy bust operation sang City Drug Enforcement Unit (CDEU) ang duha ka High Value Individual sa 7th Street, Lawaan, Village, Brgy. Balantang, Jaro Iloilo City.
Ang mga naaresto amo kanday Hazel Losare, 36-anyos, single kag residente sang 7th St., Lawaan Village, Brgy. Balantang, Jaro, Iloilo City kag Jose Ariel Brito, 41-anyos,kasado, mini bus driver, kag residente sang Brgy. Palaypay, Anilao, Iloilo.
Natigayon nga marecover sa ila posisyon ang kapin 350 grams sang suspected shabu nga may standard drug price nga P2,380,000.
Suno kay Police Captain Ryan Christ Inot, Chief sang CDEU, duha ka semana ang nangin monitoring sang pulis sa ila.
Nakumpirma man nga naga-operate ang mga ini sa syudad kag probinsya sang Iloilo.
Gin-ako naman sang mga arestado nga nagagamit sila sang iligal nga druga apang ginapanginwala nga nagabaligya ang mga ini.
